Entradas para Da uva ao viño

Actividade de enoturismo en Gandarela Turismo Rural, en Laias, Cenlle.

Data e hora: Domingo 20 de setembro, 12:00 hDuración: 1 h 30 minLugar: Bodega Gandarela & Turismo Rural — Carballeda de Abaixo, Laias, 32459 Cenlle (Ourense)Prazas limitadas.Prezo: 10 € por persoaDescrición da actividade:En plena vendima, propoñémosche percorrer o camiño completo da uva ao viño nun mesmo lugar.

Comezamos cunha breve historia da casa e do lagar de pedra de 1782, aínda en pé, e do que significa elaborar baixo o réxime de colleiteiro: viñedo propio, uva propia, da nosa propia adega.Seguimos con algo que só é posible en setembro: unha cata de uva.

Acio na man, aprendemos a ler unha uva madura —pel, polpa, pebida— e comprobamos sobre o terreo que nos di do viño que vai nacer dela.Despois pasamos á cata de viños, para recoñecer na copa todo o que acabamos de probar no viñedo.Pechamos en mesa, acompañando os viños con queixos galegos, pan de millo e marmeladas caseiras elaboradas por nós con castes autóctonas do noso viñedo.Unha actividade para entender o Ribeiro desde dentro.Inclúe: visita guiada, cata de uva, cata de viños e degustación de queixos, pan de millo e marmeladas caseiras.